حوزہ نیوز ایجنسی کی رپورٹ کے مطابق،جمہوری اسلامی ایران کے پاکستان میں متعین سفیر سید محمد علی حسینی نے اسلام آباد میں مجلس وحدت مسلمین پاکستان کے چئیرمین علامہ راجہ ناصر عباس جعفری کے زیر سرپرستی قائم مدر سہ جامعہ الولایہ کا دورہ کیا۔
رپورٹ کے مطابق ایرانی سفیر سید محمد علی حسینی نے اس دورہ کے دوران مدرسہ کے مختلف شعبہ جات کا معائنہ کیا اور مدرسہ کے اساتذہ اور طلاب سے بھی ملاقات کی۔
علامہ راجہ ناصر عباس جعفری نے سید محمد علی حسینی کو مدرسہ میں جاری تدریسی عمل اور آئندہ کے تعلیمی اہداف کے بارے میں بھی آگاہ کیا۔
قابلِ ذکر ہے کہ اس موقع پر ایم ڈبلیو ایم کے مرکزی جنرل سیکرٹری سید ناصر عباس شیرازی بھی موجود تھے۔
